’n Ware verhaal van navigasie, deur twee stede, deur ’n hart

Met In my vel verken Azille Coetzee dwingende aktuele vrae oor Suid-Afrikanerskap

09 July 2019 - 12:27
’n Leesbare, dikwels skreeusnaakse liefdesverhaal, sowel as ’n vlymskerp bepeinsing van wat dit beteken om wit en Afrikaans te wees.
’n Leesbare, dikwels skreeusnaakse liefdesverhaal, sowel as ’n vlymskerp bepeinsing van wat dit beteken om wit en Afrikaans te wees.
Image: NB-Uitgewers

Ek is in Amsterdam om ’n PhD aan die Vrije Universiteit te doen. Ek het ’n visum en ’n beurs vir 22 maande, maar het reeds besluit dat ek vir ewig hier wil bly.

Met haar Nederlandse lover aan haar sy voel Azille Coetzee lig en bevryd. Sy hou van die sosiale gelykheid, die wêreldklas festivals, die galerye, en lesings deur beroemde filosowe. Sy begin uiteindelik die ellendige taal baasraak.

Van waar dan die hardkoppige ongemak wat haar nie wil laat los nie?

Met In my vel verken Coetzee dwingende aktuele vrae oor Suid-Afrikanerskap op ’n verrassende, persoonlike manier. Dit is sowel ’n leesbare, dikwels skreeusnaakse liefdesverhaal, as ’n vlymskerp bepeinsing van wat dit beteken om wit en Afrikaans te wees.

“’n Lieflike, noodsaaklike boek. Sowel gesofistikeerde intellektuele besinning as ’n hartstogtelik-persoonlike relaas.” – Francois Smith

“Dié ware verhaal van navigasie, deur twee stede, deur ’n hart, is ’n dokument vir ons tyd. Tydig, snaaks, en nódig.” – Kabous Meiring

OOR DIE OUTEUR

Azille Coetzee is ’n postdoktorale navorser aan die Universiteit Stellenbosch. Sy het in ’n PhD van die Vrije Universiteit van Amsterdam en die Universiteit Stellenbosch. Haar navorsingsbelange sluit in feministiese filosofie, Afrikafilosofie en dekolonisasie. Sy woon in Kaapstad. Haar werk verskyn op Netwerk24 en VryeWeekblad.com.

X