Bekendstelling van Loftus Marais se 'Jan, Piet, Koos en Jakob' (6 Junie)

Kom vier die bekendstelling van Loftus Marais se derde digbundel by die Book Lounge op Donderdag 6 Junie. Tertius Kapp sal in gesprek wees met die deurlugtige digter

03 June 2019 - 12:59

By nb-uitgewers/publishers AND NB-Uitgewers/Publishers

Oor Jan, Piet, Koos en Jakob:

Dié derde bundel van Marais ontgin opnuut bekende temas uit die digter se oeuvre: verbruikerskultuur, manlike identiteit, tuis/ontuis wees in SA, dikwels met 'n vlymskerp humorsin en 'n nog skerper visuele ingesteldheid.

Die verse word saamgeryg in 'n eenheid wat neig na 'n naamlys, of selfs na 'n portretuitstalling.

Met dié verse vestig Marais hom as een van die mees behendige beoefenaars van die hedendaagse digkuns.

Bekendstelling-besonderhede:

Datum: Donderdag, 6 Junie (5:30 NM vir 6 NM)
Plek: Die Book Lounge, Roelandstraat 71, Kaapstad
Gasspreker: Tertius Kapp
RSVP: booklounge@gmail.com

Artikel verskaf deur NB-Uitgewers